今天屋企開始小裝修喇，今年真係忙爆，特別係呢幾個月，娘家裝修已經攪到我精神緊張，跟住又到搬公司，而家又到自己，真係無停過，不停執野搬野再執野搬野...  不過辛苦過後，一切都係值得的。

上星期因為心情唔好，無啦啦會喊，嚇親老公，佢買左好多Godiva 朱古力俾我食，等我開食左會開心Ｄ，今日帶左返公司喇，我未食已經甜返晒啦^^，另外今個星期已經開始習慣新生活同無咁唔開心喇，所以D朱古力應該有排食。

23 oct 2009

海運生捱 第五天 之我的鄰居
覺得隔離D鄰居個阿姐好cool，從來都唔會同人打招呼，高層話過，搬左過黎就要自強，唔可以衰俾鄰居睇，話道話鄰居，其實係假想敵，如果連我地人多勢眾都係咁保護自己，咁人地得二三十人，緊係更會保護自己。
不過我覺得係要以禮相待，起碼唔想人家話我地無禮貌，我會搵機會做次主動叫佢架喇，鬼叫我同阿man同隔離咁近咩...
隔離有位巨人，佢係阿蕉既大學同學，我想話，唔知係咪呢度小柱位，地板薄，個巨人利過既時候，個地板會好似天橋咁，搖搖下 >_< 我頭暈喇 >_<

小赤...點解你時好時壞？快要一年了，如果用金錢及時間可以令你康復，我們是千萬個願意的。可是，你的傷口，好了又壞，壞了又好，好了又有新傷口...為何細菌病毒總是圍繞著你？我要喊了....
你令爸爸媽媽好痛心，你知道嗎？Dr. Chris說過，只要你不是太痛苦，我們就應該給你機會...今天，化驗結果是，你又要打針...這對你是很痛苦的，可是，你想滿身傷痕病魔纏身地生存下去，還是想離開我們到另一片天空？

爸爸將會寫信給已經去了深造的Dr. Chris, 聽聽他的意見，然後我們會作出決定...

娘家即將進行大裝修，真係勞心勞力。

我知道最辛苦的應該是姐姐吧，間屋話大吾大，話細又吾係細，就係超多雜物，儲左廿幾年喎。執野我就真係幫吾到手喇，不過其他野，我都會盡量幫手，雖然我嫁左，不過我吾想將所以責任俾晒家姐，所以搵裝修傾野，諗設計，搵運輸，搵倉....

至於佢地將會暫時住向我度，我吾知到時會係點，只係知道，我去日本既時候，有人照顧我四隻龜，有人餵藥俾小赤，吾洗佢返醫院住咁慘^^

我說過，短期內不會再去日本了，好悶呢，年年說不去又去，我想去一些我未去過的國度。
我說過，我不喜歡東京，要去日本就要去特別的地方，例如青森，haha!!
我說過.......


一切都是因為 1比1 18m高達...我知道吳生好想去，的而且確，好值得去，加上為期只有兩個月，到8月尾就會執掉....好浪費。
不去的話，我相信吳生只會有小小失望、去的話，我肯定吳生晚晚開心到訓不著。
加上機票不算貴，而且我們還有一些日元在手，何樂而不為呢！let's Go~~

連我自己也不能相信，可是真的發生了。

上星期某了早上，某男同事看見我回到公司立刻走到我的位置...我相信佢是釘住個門口等我囉，因為我不過路過他的位置。原來...他做了一份早餐給我....請先不要吐.....他還強調他“一大清早爬起來做給我的愛心早餐"....詳細對話如下：

他指住我檯上那份他預先放下的半份三文治說：我一大清早爬起來為你做了三文治
嚇死我...幸好那天老公也做了早餐給我，我9秒9從袋中閃了份早餐出來說：我自己都有早餐，你自己吃吧！
他：我自己早已經吃了，你吃吧！
#@%#$^h 我已經不想跟他說下去，只想他立即離開我視線以內！我唯有說：好吧，我晚一點才吃！

當然我一定不會吃，我將那半份三文治給了另一位沒有買早餐的同事KO了！

我不明白為何他會做早餐給我，平時我跟他是經常需要合作，亦算愉快，但稱不上知己吧...我真的有點被他嚇怕了。可能只是我多心吧...
我不明白為何只有半份三文治呢？莫非他一半我一半！oh my God....可能也只是我多心吧...

....事件還未完結，當天我離開公司前，走了入pantry，他追上來說：..你食了我的愛心三交治了沒有？....

救命呀！還想做同事就放過我吧！我只會吃我老公做給我的早餐...除非你是金城武又或是阿Rain！Please!!!

回家的第三天，今天下午吃過烏冬麵後頭暈得好嚴重，我馬上爬上床休息，可以胃又開始痛...真是麻煩，我想是因為連日以來只吃過粥，一時間胃還未識認吧。我嘗試去睡，合上眼腦子裡又出現那個我一世都不能忘記的畫面...

2月9日，早上五時多便起床梳洗及再次點算要帶備的日用品是否已執拾妥當，準時7:00前到達醫院......因為我是選擇局部麻醉，所以被安排到下午天才動手術的，無錯，我由一開始就堅持局部麻醉，係因為我已經試過兩次全身麻醉既手術，手術過程當發了一場夢，醒來我卻嘔吐了三天，又流血又吐，只能打點滴，好辛苦，所以當我知道可以選擇局部麻醉，我就二話不說就決定了。...就是因為我太快決定了，而沒有詳細問醫生手術過程...直到我被推進手術室。

說實話，我真的一點也沒有害怕，一推進去我還用心把手術室的環境好好的記入腦袋裡，400-500尺的房間，好幾部儀器，手術床好小好小，頭上的大光燈有７個燈泡（haha, 我真的數過）有４至５個穿深紅色手術袍的女士..我還在想，為何全是女人呢，給我一個帥哥不可以嗎！她們開始在我的鼻腔裡噴麻醉藥，及把一塊塊又重又厚的絨毯放在我身上，有好幾十塊，我想是有保暖及固定我身體的作用吧，當那個女的在我鼻腔裡滴上四五滴藥水，而那些超苦的藥水倒流落我的喉嚨時，醫生就出現了，還要我清楚說出自己姓名及做什麼手術，好苦呀大人，我喉嚨還有藥水呢，點講呀！！我還說了兩次，他們天才滿意 >_<

....待續